monumenta.ch > Plinius > sectio 183
Word Selection for Searching
Report an Error in this Sectio
Plinius, Naturalis Historia, 36, 183
{LIX} gypso madido statim utendum est, quoniam celerrime coit; tamen rursus tundi se et in farinam resolvi patitur. usus gypsi in albariis, sigillis aedificiorum et coronis gratissimus. exemplum inlustre est, C. Proculeium, Augusti Caesaris familiaritate subnixum, in stomachi dolore gypso poto conscivisse sibi mortem.